«XVI Оразбаев оқулары» халықаралық ғылыми-әдістемелік конференция өтті

Жаңалықтар

27 Апреля 2024

2024 жылдың 26-27 сәуірінде Қазақстан Республикасы Мемлекеттік орталық музейі, Әл-Фараби атыңдағы Қазақ Ұлттық Университетінің «Археология, этнология және музеология» кафедрасы және «Таңбалы» тарихи-мәдени және табиғи музей-қорығы бірлесіп дәстүрлі «XVI Оразбаев оқулары» халықаралық ғылыми-әдістемелік конференциясын өткізді.

Әбдіманап Оразбаев – этно-археолог ғалым. Тас, қола дәуірінен бастап, түркі қағанаты дәуіріне дейінгі және орта ғасырлардағы қалаларды зерттеп, Ақтөбе мен Баласағұн қалалары орнында қазба жұмыстарын жүргізді.

Ғалымның еңбектері Қазақ хандығының қалыптасуына себепші болған кезеңдерді зерделеуге ықпал етті.

«Қазақстанда алғаш болып, тарих факультетінде «археология және этнография» кафедрасын Әбдіманап Оразбаев ашты.