«Тарихи мұра - Тәуелсіз елдің тарихы» атты патриоттық-танымдық іс-шара ұйымдастырды

          «Таңбалы» тарихи-мәдени және табиғи музей-қорығы мен «Атамекен» тарихи-мәдени орталығы бірлесе отырып, мектеп оқушыларының қатысуымен Тәуелсіздік күніне орай «Тарихи мұра - Тәуелсіз елдің тарихы» атты патриоттық-танымдық іс-шара ұйымдастырды. Бұл іс-шара аясында Тәуелсіздік жылдарындағы Таңбалының жетістіктері мен перспективалары туралы ақпараттық дәріс оқылып, сондай-ақ «Атамекен» тарихи-мәдени орталығының арнайы дайындаған экспозициялық залдары бойынша Тәуелсіздік жылдарына экскурсиялық шолу жасалды. Оқушылардың қатысуымен «Мен тұратын аймақтағы тарихи ескерткіш» тақырыбында пікір алмасу ұйымдастырылды. Ондағы басты мақсатымыз – өскелең ұрпаққа патриоттық сана қалыптастыру. Осы жоба арқылы жастарымыз өз тарихын біліп қана қоймай, ұлттық рухты бойларына сіңіреді.