«Регель қызғалдағы» атты танымдық іс-шара

   Іс-шара барысында қатысушы балалар Регель қызғалдағы мен табиғат тақырыбында сурет салып, өз шығармашылық жұмыстарын шағын фото-көрме форматында көрсетті. Балалардың жұмыстарында Регель қызғалдағының әсемдігі, табиғаттың нәзік сұлулығы және өсімдіктерді қорғау идеясы көрініс тапты.

 

   Сонымен қатар іс-шарада Қазақстанның Қызыл кітабына енген эндемик өсімдік — Регель қызғалдағының биологиялық ерекшеліктері, таралу аймағы, экожүйедегі рөлі және оны сақтау бойынша жүргізілетін ғылыми-зерттеу жұмыстары туралы ақпарат ұсынылды.