«Таңбалы» қорық-музейі
3D Тур Таңбалы
Сарыбұлақ – Таңбалы ЮНЕСКО назарында
Жаңалықтар
10 Сентября 2025
2025 жылғы 10 қыркүйекте ЮНЕСКО-ның мәдениет мәселелері жөніндегі өңірлік өкілі Филипп Деланж Сарыбұлақ ландшафтық-мәдени аймағына арнайы сапар жасады. Сапарды «Таңбалы» музей-қорығының директоры Бибігүл Дандығараева ұйымдастырып, археологиялық зерттеу жұмыстары жүріп жатқан аумақпен таныстырды.
Кездесуге сондай-ақ археолог, Таңбалы петроглифтерінің маманы Алексей Рогожинский, «Сарыбұлақ–2025» археологиялық экспедициясының ғалымдары, «Таңбалы» музей-қорығының қызметкерлері және DUALEST SAS компаниясының өкілі Гийом Дюбүи қатысты.
- Сапар барысында археологиялық зерттеулердің алғашқы нәтижелері таныстырылып, Сарыбұлақтың тарихи-мәдени маңызы мен оны қорғау мәселелері талқыланды.
- Мамандар халықаралық ынтымақтастық, мұраны сақтау және жергілікті қауымдастықтарды тарту бағыттарын сөз етті.
- Бұл іссапар – Сарыбұлақ пен Таңбалының ортақ мәдени мұра ретінде халықаралық деңгейде насихатталуына жасалған маңызды қадам.
