Таңбалы – ЮНЕСКО назарында

Алматыдағы ЮНЕСКО кеңсесінде өткен маңызды кездесуде Қазақстандағы жартас өнерін сақтау мен дамыту мәселелері талқыланды. Әсіресе, Таңбалы мемлекеттік тарихи-мәдени және табиғи музей-қорығы – ЮНЕСКО-ның Бүкіләлемдік мұра тізіміне енген еліміздегі жалғыз петроглифтер ескерткіші ретінде негізгі фокусқа алынды.

Негізгі тақырыптар:

• Таңбалының қазіргі жағдайы және сақталуын жақсарту қажеттілігі;

• Туристік инфрақұрылымды дамыту арқылы ескерткіштің тұрақты қызметін қамтамасыз ету;

• Жаңа ұлттық стратегия қалыптастырудың маңыздылығы.

Ұсыныстар:

• Таңбалыда Ұлттық петроглифтер конгресін өткізу – жартас өнерін зерттеу мен қорғаудың ортақ платформасын құру;

• Халықаралық деңгейдегі тәжірибелерді енгізу;

• Қысқа мерзімді басқару жоспарын қолдау үшін ЮНЕСКО-ның шұғыл қаржыландыру тетіктерін қарастыру.

Кездесу өте жемісті өтті. Нәтижесінде, мәдени мұраны сақтау жолында жаңа серіктестік бастамалар мен нақты жобаларды іске асыруға келісім жасалынды.