«Таңбалы» музей-қорығында мәдени мұра объектілерін құжаттандыруға арналған ғылыми семинар өтті

Семинардың негізгі мақсаты – тарихи-мәдени мұра объектілерін зерттеу, сақтау және қорғау ісінде құжаттандырудың маңызын талқылау, сондай-ақ осы саладағы заманауи әдістер мен тәжірибелерді ортаға салу болды.

Іс-шараға «Алматы облыстық тарихи-мәдени мұраны қорғау жөніндегі орталық» КММ қызметкерлері қатысты. Семинар барысында мәдени мұра объектілерін тіркеу, ғылыми-техникалық құжаттама әзірлеу, фото және бейнетіркеу, цифрландыру, геоақпараттық жүйелерді пайдалану мәселелері қарастырылды. Сонымен қатар, халықаралық тәжірибе мен ұлттық заңнама талаптары аясында құжаттандырудың стандарттары туралы баяндамалар жасалды.